Pas protestave të vazhdueshme dhe në mungesë të një përgjigjeje nga ana e qeverisë, banorët e prekur nga përmbytjet kërcënojnë me grevë urie.
Të parët që reaguan ishin ata në lagjen “Livadhe”, të cilët vite më parë u përballen me vërshimin e ujrave që la pas deme të shumta në banesat e tyre.
Banorët thonë se as nga qeveria dhe as nga pushteti vendor nuk kanë marrë një përgjigje për kërkesat e tyre, ndërsa nga ana tjetër sqarojnë se komisionet asokohe ju bënë vlerësim të dëmeve.
Banor 1: Çdo banesë që është vlerësuar deri në 5-6 milionë
Banor 2: Duhet të më dëmshpërblejë shteti ose vetëflijohem
Banor 3: Do bllokojmë të gjitha rrugët nëse nuk dëmshpërblehemi
Banor 4: Ne kërkojmë dëmshpërblim, nëse nuk dëmshpërblehemi do të hyjmë në grevë urie.
Afati i lënë në dispozicion të shtetit është 15 ditë dhe më pas ata pritet të nisin grevën e urisë nëse përgjigjia për dëmshpërblimin e përmbytjeve do të vijojë të mungojë.
Përmbytjet e 2010-2011 shkaktuan dëme të shumta në qarkun Shkoder, ku vërshimi i ujrave preku edhe qytetin në lagjet periferike.
Gjatë viteve të shkuara banorët zhvilluan disa protesta radhazi, por asnjë përgjigje nuk moren nga qeveria për paratë që u takojnë mbi demet në banesa e biznese.
