Nard Ndoka ka rrëfyer sherrin në zyrë me Bashën pas spostimit nga lista e Shkodrës në zgjedhjet e fundit parlamentare, nga i treti në të tetin. Sipas Ndokës, ai kishte një marrëveshje me Bashën, ashtu si me kryetarët e partive të tjera aleate që të ishte i treti në qarkun e Shkodrës, por në momentin e fundit, Basha e zhvendosi në listë.
Akuza lëshoi dhe ndaj Sekretarit të Përgjithshëm të PD-së, Gazment Bardhi.
“Me mua u soll në mënyrën më të paskrupullt. As Fatos Nano dhe as Sali Berisha nuk e kanë bërë lloj sjelljeje. Më thirri në zyrë më tha se do jem i teti, edhe kam reaguar me ato fjalë ndonjë eksponent i LSI ishte sot (Elona Guri), edhe më ashpër, e kam reaguar. Unë po marr LSI që është një faktor më i madh, se unë e PDK nuk do të ishin faktor për marrjen e pushtetit. Çfarë LSI e Kryemadhi përfaqësonte. Po ishte pikante reagimi i saj. Lexoje edhe pjesën pikante se ajo i lezeton edhe Gaz Bardhit. Mos t’i flasë prapanica më shumë se goja, nuk ishte e aspër gjuha e Elona Gurit ndaj Gazment Bardhit”, tha Ndoka në emisionin Breaking, në “Top News”.
