Policia e Fierit ka proceduar penalisht dy persona të cilët akuzohen për falsifikim dokumentesh.
Një prej tyre është ish-zyrtar i Hipotekës në këtë qytet. Blutë bëjnë me dije në një njoftim zyrtar se procedimi penal nisi ndaj shtetasve E. L., 67 vjeç, banues në Fier (ish-regjistrues në ZRVPP Fier) dhe D. F., 77 vjeç.
“Dyshohet se kanë falsifikuar dokumentet e një sipërfaqeje toke në fshatin Bishan, ku më parë ndodhej fusha e sportit e këtij fshati”, njoftoi policia.
Materialet i kaluan Prokurorisë, për veprime të mëtejshme procedurale, shtuan të njëjtat burime.
