Menjëherë pas deklaratës së deputetit demokrat Oerd Bylykbashi, i cili akuzoi PS se me veton ndaj votimit elektronik vrau reformën zgjedhore dhe se në këto kushte nuk mund të ketë zgjedhje, doli në deklaratë shtypi deputeti socialist Taulant Balla.
Ai tha se PS është për depolitizimin e komisioneve zgjedhore.
“Ajo që ndodhi sot ishte një përpjekje e paskrupullt për të shmangur OSBE-ODHIR nga asistenca dhe opinoni që mund t’i japi këtij komisioni”, tha Balla.
“PD ka dhënë 3 propozime të ndryshme për reformën… E prisnim largimin e PD nga punimet e komisionit për reformën… PD, veto kundër depolitizimit të komisioneve zgjedhore…Bylykbashi ka thënë në 2012-ën se duhet projekt pilot…Dy projektet pilote dështuan në vitin 2013-ën…Si ka mundësi që PD s’është dakord për të marrë një opinion për këtë nga OSBE-ODHIR? Të shohim vendet që e kanë bërë dhe hequr…”, tha Balla.
PD kërkon që në zgjedhjet e qershorit të futet votimi elektronik, si garanci për të garantuar zgjedhje të lira dhe të ndershme.
