Partia Demokratike braktisi mbledhjen e Komisionit të Posaçëm Parlamentar të Reformës Zgjedhore, në kohën kur maxhoranca nuk pranoi të votonin së bashku një vendim që parashikon nisjen e procedurave për votimin elektronik në zgjedhjet parlamentare të qershorit.
Sipas Taulant Ballës të PS¬-së, “për këtë çështje ishte diskutuar edhe më parë dhe nuk kishte pasur dakordësi”.
Futja e votimit elektronik në zgjedhje është një nga kushtet e vendosura nga kryeopozitari, Lulzim Basha për zgjedhjet e ardhshme.
“Vetoja e sotme ishte moment që PS vrau reformën zgjedhore. Pa këtë çështje zgjedhjet s’mund të jenë të lira dhe të ndershme. Kjo nuk ndodh prej 25 vitesh. Nuk mund të ketë zgjedhje”, tha Bylykbashi në një deklaratë për mediat pas largimit të deputetëve demokratë nga komisioni.
Teksa listoi arsyet pse PD mbështet fuqishëm këtë formë votimi. “Idenitifikimi elektronik me shenjat e gishtave, garanci për zgjedhje të lira dhe të ndershme. Qytetari identifikohet me shenjat e gishtave. Numërimi elektronik do të zhdukë kriminelët.
Pas largimit të PD nga punimet e këtij komisioni pritet vendimi se cili do të jetë qëndrimi i opozitës, nëse do ta bojkotojë apo jo Kuvendin në vazhdim.
