Një fotografi që thuhet se tregon momentin në të cilën Dobrosav Gavric shihet duke qëlluar mbi Zeljko Raznjatovic Arkanin në Hotel Intercontinental, vetëm për disa orë është shpërndarë me të madhe në rrjetet sociale në Serbi, shkruajnë mediat serbe.
Foto është shpërndarë përmes një profili të rremë të gazetarit Milomir Maric, i cili është i njohur për kontakte dhe njohuri të zhvillimeve të botës së krimit të viteve ’90 të Beogradit. Siç shkruajnë më tej mediat serbe, nuk është për t’u habitur që shumë menduan se ishte një fotografi autentike nga skena e një prej vrasjeve më të famshme në atë kohë, raporton Telegrafi.
Megjithatë, siç u përmend tashmë, profili Maric është i rremë, dhe fotografia është marrë si pjesë e rikonstruimit gjyqësor të një vrasje të trefishtë në Hotel Intercontinental, disa vjet më parë! Aty gjendet avokati Veljko Delibasic, mbrojtësi i të akuzuarit për vrasjen e Raznjatoviçit dhe dy të tjerëve.
Megjithatë, gjatë 15 viteve të fundit, asnjë nga informacionet nuk tregonte se këto regjistrime ekzistojnë. Zeljko Raznatoviç Arkan, është vrarë më 15 janar 2000 në hotel “Intercontinental” në Beograd, ku në të qëlloi Dobrosav Gavric – Dragan Nikolic dhe Milan Gjuriçiq ishin bashkëpunëtorët e tij, thuhet në versionin zyrtar të ngjarjes. Gjuriçiq dhe Nikoliç u dënuan me 30 vjet si bashkëpunëtorë në vrasjen e Arkanit, ndërsa Dobrosav Gavric u dënua me 35 vjet. /Telegrafi/
