Në Librazhd, vendlindja e Taulant Ballës, njëherazi edhe zona e tij elektorale, janë shfaqur portretet e diktatorit Enver Hoxha.
Librazhdi ka festuar sot 77-vjetorin e çlirimit, dhe me këtë rast nostalgjikët e komunizmit, të grupuar në parti të majta, kanë nxjerrë nga sëndukët fotografitë dhe pankartat me parrulla kushtuar Enver Hoxhës.
Madje, ata kanë vendosur edhe kurora me lule në emër të Partisë Komuniste në varrezat e dëshmorëve.
Nuk dihet nëse Taulant Balla i është bashkuar këtyre festimeve, apo atje ka vajtur i deleguari i rradhës i socialistëve në Qarkun e Elbasanit, Damian Gjiknuri.
Por pavarësisht nëse kanë qenë ose jo Balla apo Gjiknuri, ajo që ndodh sa herë PS është në pushtet, është shfaqja e nostalgjikëve të diktaturës me portretet e Enver Hoxhës.
