Kryeministri Edi Rama po zhvillon takimin e parë të këtij viti me kryeparlamentarin Ilir Meta.
Kryeministri po takohet me Metën në zyrën e këtij të fundit në selinë e Kuvendit të Shqipërisë.
Nuk dihet motivi i këtij takimi, por ai mbahet në kohën kur LSI ende nuk ka dhënë përgjigje nëse në zgjedhjet e qershorit do të shkojë në koalicion me PS. Po ashtu takimi vjen në kohën kur është rritur debati i listave të hapura për deputetë, për të cilin LSI është “pro”, kurse PS e kundërshton.
Sakaq ministri i Drejtësisë që i përket LSI-së, Ylli Manjani deklaroi mbrëmë në Top Channel se partitë politike duhet të futen të vetme në zgjedhje dhe pastaj të bëjnë koalicione paszgjedhore.
