Kryetari i Komisionit për Punë të Jashtme të Dhomës së Ulët të Parlamentit rus Leonid Slutzkiy, intervistuar nga Euronews, bëri të qarta marrëdhëniet mes Rusisë dhe Shteteve të Bashkuara disa ditë para inagurimit të presidentit të ri amerikan. Slutzkiy komentoi edhe publikimin e fundit nga mediat amerikane, të disa informacioneve që kompromentojnë Donald Trump.
“Nëse do të kishte pasur ndonjë dëshmi të asaj që është thënë”, ka thënë Slutskiy “lajmi tashmë do të ishte publikuar në të gjitha mediat amerikane. Administrata e Obama-s është duke bërë gjithçka për të margjinalizuar Rusinë para largimit nga detyra “.
Fyodor Lukyanov, drejtori i revistës “Russia in Global Affairs” e krahasoi historinë që përfshirë presidentin e ardhshëm me një komedi të keq që mund të ketë pasoja serioze për Donald Trump.
“Ata janë duke u përpjekur për ta bërë jetën dhe punën e Trump sa më të vështirë të jetë e mundur. Në Rusi situata është parë si një demonstrim i një krize shumë të rëndë politike që po zhvillohet në SHBA”, tha ai.
Galina Polonskaya për Euronews tha nga Moska: “Mendimi i elitës politike ruse është mjaft i zakonshëm…Gjatë këtyre ditëve të para të ftohta të vitit të ri, shumë shpresojnë se në 2017-ën akulli në marrëdhëniet mes Rusisë dhe Shteteve të Bashkuara të fillojë të shkrihet”.
