Analisti politik serb dhe njëkohësisht Kryetari i Bordit të Forumit për Marrëdhënie Etnike, Dushan Janjiç ka deklaruar në emisionin “Different Radio Connection” se Serbia i paguan Richard Grenell 100 mijë dollarë në muaj.
Në lidhje me këtë gjë ka reaguar vetë ambasadori Grenell në rrjetet sociale.
“Do të ishte e bujshme nëse do të ishte e vërtetë. Por është totalisht lajm fals. Ajo që është patetike është që ju e quani veten gazetar dhe publikoni lajme pa kontrolluar akuzat. Kjo quhet gosip dhe jo gazetari. Gjithkush duhet të dijë se të gjitha pretendimet e tregimeve tuaja janë të rreme,” shkruan Grenell.
