Aktivisti Aulon Kalaja vijon të ndihmojë familjet e prekura nga tërmeti i 26 nëntorit 2019. Pavarësisht nga show dhe propaganda e Qeverisë, e cila flet për sukseset e procesit të rindërtimit, realiteti është krejt tjetër. Me qindra familje janë lënë në mëshirën e fatit, pa ndihma, pa asnjë përkrahje, ndërsa duket se këtë boshllëk të lënë nga Qeveria po e përmbush një prej aktivistëve dhe gazetarëve, që u angazhua që në ditët e para të dy viteve më parë.
Video e mëposhtme tregon atë që realisht ndodh në disa nga zonat që u goditën më fort nga tërmeti, familje që sot nuk mund të sigurojnë as ushqimet bazë, ndërsa aktivisti dhe mbështetës të tij, po bëjnë atë që normalisht duhej ta kishte bërë Bashkia, Qeveria apo çdo institucion tjetër që në fund të fundit, paguhet nga taksat e shqiptarëve, pikërisht për tiu përgjigjur shtresave më në nevojë në momente të tilla.
