Të paktën tre prej të dënuarve të burgut të Drenovës janë transportuar drejt spitaleve në Tiranë, pasi gjendja e tyre shëndetësore është përkeqësuar si pasojë e Covid-19.
Nga raportimet mësohet se fillimisht ata kanë marrë mjekin në spitalin rajonal të Korçës, por gjendja shëndetësore është përkeqësuar, pasi kanë shfaqur probleme me frymëmarrjen dhe rënie të nivelit të oksigjenit.
Në kushte të tilla, stafi mjekësor i pavionit të infektivit në spitalin e Korçës, ka vendosur transportimin e tyre drejt Tiranës, për një shërbim më të specializuar.
Burgu i Drenovës prej ditësh është kthyer në një prej vatrave të Covid-19, ndërsa raportohet për disa persona të infektuar, të cilët janë karantinuar.
