Është mbyllur java e shtatë e Kategorisë së Dytë me 7 ndeshjet e luajtura ditën e sotme në Grupin B.
Në Grupin A, Elbasani mori një fitore minimale 0-1 ndaj Klosit. Ndeshja u luajt në fushën asnjëanëse të Shënkollit, ku u prodhua dhe një sherr masiv nga të dyja lojtarët e skuadrave, duke përfunduar dhe në rrugë. Luzi mposhti 1-0 në shtëpi Murlanin, ndërsa Oriku shkatërroi 8-0 Internacionalin. Gramshi mposhti 2-0 në shtëpi Adën, Veleçiku mposhti minimalisht 1-0 Ilirinë, ndërsa Bulqiza barazoi 2-2 me Shënkollin.
Në Grupin B, Flamurtari mposhti 1-2 në transfertë Albpetrolin në një sfidë ku pati dhe sherr në fushën e lojës. Vlonjatët marrin kreun e grupit me 17 pikë të grumbulluara pas 7 ndeshjesh, po aq sa Devolli që mposhti në shtëpi 1-0 Labërinë. Luftëtari nuk shkoi më shumë se barazimi 2-2 me Naftëtarin, ndërsa Tepelena mposhti 3-1 në derbi Memaliajn. Përmeti pësoi disfatë në shtëpi nga Sopoti duke u mundur 1-2, ndërsa Këlcyra mposhti minimalisht 1-0 Gramozin.
GRUPI A
Veleçiku-Iliria 1-0
Gramshi-Ada 2-0
Oriku-Internacional 8-0
Bulqiza-Shënkolli 2-2
Luzi 2008-Murlani 1-0
Klosi-Elbasani 0-1
GRUPI B
Albpetroli-Flamurtari 1-2
AF Luftëtari-Naftëtari 2-2
Devolli-Labëria 1-0
Tepelena-Memaliaj 3-1
Përmeti-Sopoti 1-2
Këlcyra-Gramozi 1-0
