Kreu i PD, Lulzim Basha është ndalur për të folur para gazetarëve para nisjes së mbledhjes me kryesinë e PD, ku ka komentuar edhe deklarata e ish-kryeministrit Sali Berisha.
Basha tha se koha e Berishës ka mbaruar, ndërsa shtoi se lideri historik i PD ëhstë kthyer në tub oksigjeni për Edi Ramën.
‘Koha e Sali Berishës ka mbaruar. Bashkë me të ka mbaruar edhe koha e mandateve të skaduara dhe përdorimit të PD-së dhe forumeve të saj për interesa personale.
Asgjë dhe askush nuk do ta kthejë PD-në në një bunker për interesat personale të Sali Berishës.
Partia Demokratike ka lindur si një aspiratë e popullit shqiptar për liri dhe demokraci, dhe është shpresa e shqiptarëve për të zgjidhur hallet e tyre të shumta. Dhe halli me i madh i shqiptarëve sot është regjimi i Edi Ramës
Prej javësh, me zdërhalljet e tij Sali Berisha është kthyer në një tub oksigjeni për regjimin e Edi Rames. Unë jam i vendosur t’ja këpus këtë edhe këtë tub oksigjeni për regjimin Edi Ramës’, tha Basha.
