Një 33-vjeçar shqiptar është arrestuar nga policia italiane, pasi u kap duke drejtuar një automjet tip “Audi A4”, i cili rezultonte i vjedhur që në muajin nëntor.
Mediat italiane raportojnë se brenda makinës që drejtohej nga shtetasi Flovjan Nika, u gjetën edhe sende me vlerë, si ora të ndryshme, bizhuteri, iPad, të grabitura nga shqiptari. Ky i fundit ishte me banim në Novara.
Raportohet se pak para arrestimit, shqiptari sapo kishte vjedhur një orë, e cila iu rikthye të zotit.
Një bashkëpunëtor i shqiptarit arriti të largohej duke përfituar nga errësira.
