Këngëtarja e famshme braziliane, Marília Mendonça, ka ndërruar jetë ditën e djeshme si pasojë e një aksidenti ajror. Ylli i muzikës country po udhëtonte drejt një koncerti bashkë me 4 persona të tjerë, xhaxhai i saj, producenti dhe dy pilotët, raporton CNN.
Shkaku i aksidentit është ende nën hetim, por thuhet se aeroplani në të cilin gjendej Mendonça goditi një kabëll të një shtylle elektrike, por nuk ka akoma një deklaratë konkrete nga autoritetet në lidhje me këtë, pasi sipas tyre është ende herët për ta vendosur.
Marilia ishte një nga këngëtaret më të dëgjuara në Brazil në Spotify në 2019 dhe 2020 dhe numëronte më shumë se 38 milionë ndjekës në Instagram.
Këngëtarja 26-vjeçare ka lënë pas një djalë 1-vjeçar.
