Policia e Lezhës ka sekuestruar lëndë narkotike e dyshuar kanabis brenda një automjet ku ndodheshin disa persona dhe ka bërë ndalimin e tyre. Nga raportimet mësohet se aksioni policor është zhvilluar në superstradën drejt Laçit në dalje të Lezhës.
Madje nga raportimet mësohet se policia ka qëlluar me armë në ajër, pasi një nga personat që ndodhej në automjet ka tentuar të largohet me vrap.
Policia ka shoqëruar në komisariat të arrestuarit, ndërsa nuk jepen detaje lidhur me sasinë e lëndës narkotike që është sekuestruar.
