Një 53-vjeçar është arrestuar nga policia e Gjirokastrës, pasi akuzohet se ka përdhunuar një vajzë të mitur.
“Specialistët e Seksionit të Hetimit të Krimit në Komisariatin e Policisë Gjirokastër ndaluan shtetasin K.H., 53 vjeç, banues në Libohovë, pasi dyshohet se në periudha të ndryshme kohore ka kryer marrëdhënie seksuale me dhunë me një shtetase të mitur, 16 vjeçe, e cila ndodhet në spital, për të marrë ndihmën mjekësore dhe për ekzaminimet e mëtejshme”, njoftoi policia.
Materialet në ngarkim të shtetasit të mësipërm u referuan në Prokurorisë pranë Gjykatës së Shkallës së Parë Gjirokastër, për veprën penale “Marrëdhënie seksuale ose homoseksuale më dhunë me të mitur të moshës 14-18 vjeç”, shtuan të njëjtat burime, pa dhënë të tjera detaje rreth ngjarjes.
I arrestuari është i afërm i vajzës – xhaxhai i të atit të minorenes. E ëma e 16-vjeçares ka rrëfyer se abuzimi, siç i ka treguar vajza, ka nisur që prej moshës 12 vjeçe.
Lexo edhe:
Kush është 53-vjeçari që përdhunoi minorenen, vajza në gjendje të rëndë
E ëma e të miturës së abuzuar: Vajza më tha që është përdhunuar që prej moshës 12 vjeçe
