Një 25 vjeçar nga Kukësi, i shpallur në kërkim për veprën penale “Shkatërrimi i pronës me zjarr”, kryer në bashkëpunim, u arrestua nga policia mëngjesin e sotëm.
Sipas një njoftimi zyrtar, ndaj shtetasit O. D., 25 vjeç, banues në fshatin Vilë, Gjykata e Rrethit Gjyqësor Kukës i ka caktuar masën e sigurisë “Arrest në burg”, për veprën penale “Shkatërrimi i pronës me zjarr”, kryer në bashkëpunim.
“Ky shtetas, më datë 01.09.2021, në fshatin Bushtricë, dyshohet se në bashkëpunim me persona të tjerë, i ka djegur automjetin shtetasit V. Gj., të cilin e kishte parkuar afër banesës.
Vijon puna për kapjen e personave të tjerë të shpallur në kërkim.
Materialet i kaluan Prokurorisë së Rrethit Gjyqësor Kukës, për veprime të mëtejshme”, njoftoi policia.
