Antonio Cassano është një prej personazheve më karizmatik. Ish-futbollisti i Interit dhe Milanit bëhet shpesh herë protagonist me deklaratat e tij duke thumbuar shpesh ekipet. I ftuar në emisionin e Bobo Vierit, Cassano komentoi ndeshjen mes Milanit dhe Romës duke u shpreh se penalltia e Ibrës nuk ishte dhe se gjyqtarët nuk e kuptojnë futbollin pasi nuk dinë të luajnë.
“Në pamje të parë nuk është kurrë penallti. Më pas, pati një imazh tjetër pas ndeshjes, në të cilin Ibanez, godiste Ibrën në këmbën e majtë. Unë nuk e jap atë penallti, por me rregulloret e sotme është e vështirë, e them dhe e përsëris: duhet të heqim VAR-in.
VAR-in ta përdorim vetëm në rastin kur kemi dyshime se ishte gol ose jo dhe në pozicion jashtë loje. Për pjesën tjetër le të vendosin gjyqtarët. Pse i dha penallti Juventusit dhe jo Romes edhe sikur te ishin te njëjtën situate, por VAR-i po i heq përgjegjësinë dhe besueshmërinë arbitrit.
Në VAR futni ish-lojtaret se i shohin më mirë situatat. Gjyqtarët përdorin rregullat si të duan pasi ata nuk e kuptojnë se si evoluon veprimi sepse nuk dinë të luajnë futboll”, u shpreh Kasano.
