Dy prokuroret e Elbasanit, Ermira Tafani dhe Armarda Xhaferri kanë paraqitur dorëheqjen pranë Këshillit të Lartë të Prokurorisë.
Raportohet se prokuroret nuk kanë dhënë arsye për dorëheqjen e tyre.
Pak kohë më parë ,Prokurori i Përgjithshëm Olsian Çela kërkoi hetim disiplinor për prokuroren e Elbasanit Armarda Xhaferri. Çela i kërkoi Inspektorit të Lartë të Drejtësisë nisjen e procedurës së inspektimit për hetimin e shkeljeve individuale të kryera në ushtrimin e detyrës nga ana e prokurores. Sipas Sektorit të Monitorimit në Prokurorinë e Përgjithshme, janë konstatuar veprime të cilat mund të përbëjnë shkelje disiplinore në ushtrimin e detyrës nga ana e prokurores Xhaferri në lidhje me funksionin e saj si magjistrat.
Nga ana tjetër, Ermira Tafani ka qenë kandidate për postin e Prokurorit të Përgjithshëm të Përkohshëm në vitin 2017.
