Sekretari i Përgjithshëm i LSI-së, Endri Braimllari ka akuzuar kryeministrin Edi Rama për demagogji dhe keqmenaxhim të drejtorive të Ujësjellësave.
Përmes një postimi në ‘FB’ Braimllari thekson se qytetarët sot paguajnë faturat e ujit me ccmime më të larta dhe nuk marrin shërbime.
“Demagogjia e shpifur e Edi Ramës përpara qytetareve për keqmenaxhimin e drejtorive të ujësjellësve nuk ngjit më. Nuk ka asnjë fajtor tjetër përveçse Edi Ramës. Qytetaret sot paguajnë faturat e ujit me cmime më të larta dhe nuk marrin shërbime. Në Krujë helmohen mbi 500 qytetare nga uji i pijshëm dhe nuk ka asnjë përgjegjësi. Emërime klienteliste, nepotike ne administrate janë bërë të gjitha me porosi për t’i përdorur në fushatë elektorale. Drejtorat e Rames jo vetem abuzojne me sherbimet publike por dhe administrojne njekohesisht dhe gurore ne konflikt interesi, shkaterrojne natyren dhe i perdorin per fushate. Personalisht i kam denoncuar publikisht dhe do vazhdoj ti denoncoj per te demaskuar kete qeverisje te kalbur qe nuk ka asnje lidhje me qytetaret“, shprehet ai.
