Komisioni i Pavarur i Kualifikimit shkarkoi nga detyra këtë të Enjte gjyqtaren e Gjykatës së Tiranës, Klorinda Çela.
Ajo vetë nuk ishte e pranishme në seancë.
Prej vitit 2013, ajo ushtronte funksionin në Gjykatën e Tiranës.
Në vitin 2014, ministri i Drejtësisë i asaj kohe kërkoi shkarkimin nga detyra të saj dhe bashkëshortit Ken Dhima për shkak të problemeve me pasurinë –por kërkesa u rrëzua nga Këshilli i Lartë i Drejtësisë. Gjyqtari Dhima u shkarkua nga detyra më 29 korik 2021, pasi nga hetimi i KPK-së rezultoi me bilanc negativ në 12 vite si dhe me pasuri të fshehura.
Në seancën dëgjimore për Klorinda Çelën, KPK ngriti dyshime se gjyqtarja e Tiranës ka fshehur dy pasuri dhe nuk justifikon pasurinë me burime të ligjshme.
