Administrimi i dozës së tretë, përforcuese kundër koronavirusit është në progres në SHBA, me Qendrën Amerikane për Kontrollin dhe Parandalimin e Sëmundjeve (CDC) të vendos në “tryezë” edhe dozën e katërt.
Në një deklaratë, Qendra për Kontrollin dhe Parandalimin e Sëmundjeve tha se disa njerëz me imunosupresion ( një aftësi e dëmtuar e sistemit imunitar për të luftuar infeksionin ose sëmundje të tjera), të moshës 18 vjeç e lart, mund të marrin një dozë të katërt të vaksinës Covid-19.
“Personat me imunosupresion që kanë bërë vaksinën Pfizer ose Moderna, mund të jenë në gjendje të bëjnë një dozë të katërt”, thuhet në njoftimin përkatës, siç shkruan faqja “Axios” .
Në komunikatë thuhet se njerëzit mbi 18 vjeç, të cilët kanë “imunosupresion mesatar ose të rëndë” dhe kanë marrë tre doza të vaksinës mRNA, mund të marrin një dozë të katërt: vaksinat Pfizer dhe Moderna ose vaksinën Johnson & Johnson.
Doza e katërt duhet të jepet të paktën gjashtë muaj pas dozës së tretë përforcuese të vaksinave Pfizer ose Moderna, sipas Qendrave të SHBA për Kontrollin dhe Parandalimin e Sëmundjeve (CDC).
