Pas akuzave më të fundit të kryetarit të komisionit parlamentar hetimor për CEZ, Taulant Balla se djali i ish -kryeministrit Berisha është i përfshirë në afera korruptive që kanë të bëjnë me marrëveshjen e CEZ me Shqipërinë, ka reaguar ashpër ky i fundit.
Shkëlzen Berisha, i është përgjigjur me një akuzë deputetit të PS -së se ai si “bixhozxhi” nuk ka paguar ende detyrimet me vendim gjykate.
Nga ana tjetër në akuzën e Ballës thuhet se hetimet kanë zbuluar se shtetasi Nuel (Nue) Kalaj, miku i ngushtë i Shkëlzen Berisha, ka marrë nga CEZ, transferta bankare mbi 7 milionë euro. Por, djali i Sali Berishës thotë se nuk ka asnjë lidhje me aktivitetin tregtar të Kalajt.
Reagimi i Shkëlzen Berishës:
Sot, papagalli i shpifjeve te Edi Rames, me urdherin e kryetarit, ka zgjeruar rrethin e miqve te mi te ngushte, me nje person me te cilin dhe aktivitetin e te cilit, nuk kam asnje lidhje. I denuar me vendim te formes se prere nga Gjykata e Apelit per shpifje, genjeshtari i Rames vazhdon avazin e vjeter me trillime te reja, me shpresen se keshtu do mbuloje sarajet e kryetarit ne Surrel.
Te ndertuara me ”placken” e Rames nga marreveshja me CEZ, per te vjedhur dhe ndare, 630 milione euro nga xhepat e shqiptareve. I bej thirrje Rames qe para se ti ngarkoje shpifje te reja, ta detyroje papagallin, te mos lere ”puplat” ne kazino, por te zbatoje vendimin e gjykates dhe te paguaje parate per shpifjet e vjetra.
