Në një intervistë për revistën “Harper’s Bazaar”, mbretëresha e muzikës pop Madonna ka thënë se është ndjerë e paragjykuar gjatë gjithë jetës së saj.
Kjo sipas 58-vjeçares ka ardhur sepse ajo ka jetuar jetën që dëshironte.
“Gjithmonë jam ndjerë e paragjykuar dhe e shtypur. E di që shumë njerëz do të thonë se është qesharake që unë ta them këtë gjë, pasi jam e suksesshme, e pasur dhe e bardhë. Por, gjatë gjithë karrierës jam sulmuar vetëm sepse jam femër dhe për faktin se kam jetuar siç kam dashur. Kam pasur të dashur që kanë qenë 3 dekada më të rinj se unë dhe kjo i bezdis njerëzit”, tha ajo.
Duke shtuar: “Më duket se çdo gjë që bëj, i bezdis njerëzit”.
Madonna ka qenë e lidhur me 25-vjeçarin Aboubakar Soumahoro, 29-vjeçarin Timor Steffen dhe 29-vjeçarin Jesus Luz.
