Grabitet me dhunë banesa e një biznesmeni. Ngjarja ka ndodhur në Nikël të Krujës, rreth orës 01:00 të ditës së dielë.
Nga raportimet mësohet se preh e grabitjes ka rënë biznesmeni Nazmi Çangu. Mësohet se të paktën 10 persona të armatosur dhe të maskuar kanë hyrë dhunshëm në banesën e biznesmenit, të cilit i kanë marrë një shumë parash.
Familjarët i kanë mbyllur në një dhomë në katin e 3 të banesës ndërsa të zotin e shtëpisë e kanë gjetur në një dhomë ku po flinte i vetëm dhe e kanë lidhur me fasheta dhe torturuar për ti dhënë çelsin e kasafortës qe ai mbante në shtëpi.
Nga raportimet mësohet se grabitësit kanë marrë një sasi euro, dollarë dhe lekë që i kanë gjetur në kasafortë, por edhe disa sende me vlerë. Policia nuk ka dhënë detaje lidhur me ngjarjen përveç një njoftimi paraprak.
NJOFTIMI:
Krujë/Informacion paraprak:
Më datë 24.10.2021, gjatë orëve të para të mëngjesit të sotëm, persona ende të paidentifikuar, kanë vjedhur me dhunë një shumë parash në banesën e shtetasit N. Ç.
Shërbimet e Policisë dhe grupi hetimor, po punojnë intensivisht nën drejtimin e Prokurorisë Rrethit Gjyqësor Krujë për zbardhjen e ngjarjes, identifikimin dhe kapjen e autorëve.
