Të tjera detaje raportohen mbi ngjarjen e ndodhur mbrëmjen e sotme në Fier, ku është qëlluar me breshëri automatike ndaj një automjeti. Nga të dhënat e para raportohet për një person të plagosur rëndë, i cili është transportuar drejt spitalit Rajonal, në gjendje kritike për jetën.
Ngjarja ka ndodhur pranë një qendre tregtare, një zonë mjaft e populluar.
Personi i plagosur, 57-vjeç, është identifikuar si Demir Backa, i cili ndodhej në një automjet tip Audi, kur ndaj tij është qëlluar me breshëri automatike.
Nga raportimet e para mësohet se autorët e dyshuar lëviznin me një automjet tip Benz, prej të cilit në lëvizje është qëlluar me breshëri kallashnikovi.
Raportohet se disa momente pas ngjarjes, Policia ka gjetur një automjet të djegur, por nuk dihet nëse ai mund të jetë përdorur ose jo nga autorët e mundshëm të atentatit.
