Konstitucionalisti Sokol Hazizaj tha se drafti që ka përgatitur opozita nuk është në kalibrin që duhet, por një draftë rastësor, më tepër i karakterit politik sesa i atij juridik. Hazizaj tha se ndryshimet ligjore që janë përgatitur për ndryshimet kushtetuese janë jo në përputhje me Kushtetutën dhe bien në kundërshtim me prezumimin e pafajësisë.
“Në momentin që SPAK dhe gjykata e shkallës së parë do e bëjnë këtë apo jo, unë mendoj se shteti shqiptarë nuk fillon dhe mbaron këtu, ka struktura të tjera, ka instrumente të tjera ligjorë që mund ta bëjnë më mirë nga SPAK. Gjykata vuan, SPAK ka numër të vogël prokurorësh.
Nëse shteti shqiptar fillon dhe mbaron me SPAK atherë situata kushtetuese dhe ligjore bëhet ndryshe. Nuk ka nocion parlament në Kushtetutën e Shqipërisë, por Kuvend. Draftin e PD-së nuk mendoj se e kanë bërë juristët.
A është e realizueshme kjo?
Ajo nuk duhet të bëhet si ndërhyrje kushtetuese. Jam i qartë që Kushtetuta jonë edhe me këtpo ndërhyrje që duhet të bëhen nuk është më kushtetut. Ata kanë hyrë në nenin 45, në pjesën e përgjithshme. Ka instrumente ligjor për ta pastruar, që janë KQZ dhe inspektorati i deklarimit të pasurisë.
Unë mendoj që po të konstatoni me kujdes të gjitha dispozitat që kanë prekur nisma e re kushtetuese janë ndryshuar tre ose katër herë deri tani. Edhe kjo vjen për shkaqe të karakterit pragmatist. Opozita e sotme ka kohë që flet për referendumin. Si mund të prekesh pjesën e përgjithshme të Kushtetutës nëse nuk shkon në referendum.”
