Komisioni Evropian të martën (19 tetor) prezanton Raportet e Progresit për vendet e zgjerimit. Ky raport për mazhorancën thekson se Shqipëria i ka përmbushur kushtet për zhvillimin e Konferencës së Parë Ndërqevritare, por që po mbahet peng nga BE.
Në një intervistë për Ora News, me gazetaren Matilda Mcini, Ish-deputeti i Partisë Demokratike, Aldo Bumçi, shprehet se Kryeministri Edi Rama kërkon që të fajsojë BE dhe vendet anëtare për mos hapjen e negociatave për 8 vite.
Bumçi shprehet se Rama është Kryeministri i parë në Shqipëri që kërkon të nxisë urrejtje ndaj BE.
Aldo Bumçi: Jo është një gjuhë e njohure Kryeministrit që kërkon të fajsojë BE, vendet anëtare, pse nuk janë hapur negociata për tetë vite. Jemi në një periudhë jot ë re. As Nano, as Berisha, Majko dhe Meta nuk kanë pasur asnjëherë këtë gjuhë ndaj BE. Rama është kryeministri i parë shqiptar që ka përdorur një gjuhë të ashpër, që nuk i përket shqiptarëve. Gjuha që përdor Rama është kërcënuese ndaj BE, dhe duke nxitur ndjenja anti-europiane. Rama e vë ‘topin’ te ata dhe asnjëherë tek vetja. Madje ka bërë kërcënime që Shqipëria kërcënohet nga radikalizmi islamik, e pavërtetë nuk ka një rrezik të tillë. Nuk mundet Kryeministri i vendit ta shfaq vendin e tij si një vend ku ka rrezik të islamizmit radikal.
Ka përdorur dhe Kosovën. Rama është Kryeministër, ai ndërton marrëdhënie dhe aleanca. Pra një sjellje që nuk është shqiptare ndaj BE. Partnerët tanë e kanë treguar me vendimet e tyre.
Bumçi shprehet se Shqipëria ka pasur një mbështetje të jashtëzakonshme, por sipas tij e përktheu gjuhën e evropianëve në një periudhë ku vendi ynë nuk bëri asnjë hap para drejt BE.
Dogjani: Në policinë e shtetit emërohen ata që bëjnë “show” dhe kanë luajtur rolin e servilit ndaj politikës
Aldo Bumçi:Shqipëria ka pasur një mbështetje të jashtëzakonshme. Raportet e KE i thonë të vërtetat por kanë qenë shumë dashamirëse për të nxitur hapjen e negociatave. Kanë mbyllur dhe ndonjëherë sytë për fakte shumë të dukshme. Ca vende anëtare i kanë thënë si mundet që ju prodhoni një raport kur s’ka asnjë problem. Ne kemi problem të dukshme, s’kemi Gjykata. Komisioni ka arritur deri aty sa ti zbusë problemet. Merkel filloi procesin e ‘Berlinit’ që të motivonte vendet. Çfarë bëri Rama? Këtë dashamirësi të europianëve, e përktheu në një periudhë kur ne nuk bëmë asnjë hap përpara.
Ai tha se kriteret që duhet të përmbushte Shqipëria kanë qenë të lehta, por që nuk u bë asnjë iniciativë për plotësimin e tyre.
Aldo Bumçi: Periudha që ne nuk kemi shënuar asnjë përparim drejt BE, kanë qenë këto 8 vite. Kriteret që duhej të përmbushte Shqipëria kanë qenë turpuruese. Kanë qenë të lehta.
