Kreu i PD Durrës Ferdinant Xhaferaj i ftuar në Top News ka komentuar situatën brenda demokratëve dhe përplasjet mes Bashës dhe Berishës.
Sipas Xhaferrit lëvizja e Berishës bëhet për interesa personale.
‘Në këtë konceptim lëvizja nuk e ndihmon PD-në. Dhe ç’është më kryesorja, unë në këtë çështje shumë të ndjeshme dua të ngelem vetëm në argumente, Foltorja është e vendosur keq në kohë. Foltorja në shtator, në tetor të 2021-it, është pa kuptim. Foltorja e kishte kuptimin e saj në periudhën prill, qershor. Dhe kishim foltore gjithandej. Pamë Edit Harxhi me Bujar Nishanin që lëvizën foltoren në të gjithë Shqipërinë. Pamë Agron Shehajn, një tjetër kandidat serioz që lëvizi foltoren e tij. Pamë Lulzim Bashën, kryetarin në detyrë që lëvizi me foltoren e tij, pamë zotin Kadilli që lëvizi me foltore. Pamë dhe Kuvendin Kombëtar, që zoti Berisha erdhi dhe e duartrokiti dhe mbaroi historia e foltoreve brendapërbrenda partisë, më 13 qershor. Kjo foltore është e vendosur keq në kohë. E ka kohën e vet, zoti Berisha ta mbajë stafin gati në 2025-ën, që do të kemi prapë zgjedhje në PD, është plotësisht i gatshëm të marri pjesë. Është e vendosur keq në kohë, që i shërben agjendës personale të zotit Berisha. Si një politikan me shumë eksperiencë, në llogaritë e veta i ka dalë kalkulimi.
Që në këtë problem me shpalljen “non grata”, unë konceptohem si më i fuqishëm duke pasur dhe Partinë Demokratike nga prapa. Kjo është llogari që ka bërë zoti Berisha dhe na vjen keq për këtë situatë që është. Fatkeqësia është që, se do ishte shumë mirë që llogaria personale e zotit Berisha të përputhej me llogarinë e PD. Por është shumë më keq se kaq, kjo llogari personale shkon diametralisht kundër me llogaritë e PD dhe e fut PD në tunel që nuk ka dritë fare në fund. Për këtë arsye është duket sikur jemi kundër’, tha Xhaferri.
