Rëndohet bilanci i personave që kanë humbur jetën në vend si pasojë e temperaturave të ulëta. Një person i gjinisë mashkullore është gjendur i pajetë në periferi të qytetit të Korçës mesditën e sotme.
Mësohet se viktima është gjetur tek vendi i quajtur “Parku i mallrave”.
Paraprakisht dyshohet se personi në fjalë ka vdekur nga i ftohti. Policia ka shkuar në vendin e ngjarje dhe po punon për zbardhjen e rrethanave dhe identifikimin e tij.
