Autoritetet italiane kanë nisur gjykimin për njv prej grupeve kriminale, të përbërë nga shqiptarë dhe nigerianë, të cilët akuzohen për trafikimin e drogës nga Shqipëria drejt vendit fqinj dhe më pas shpërndarjen e narkotikëve në qytete të ndryshme italiane.
Hetimet nisën në stacionin e autobusëve Tibus, terminali i autobusëve i stacionit Tiburtina që cilësohet nga mediat italiane si “qendra kryesore” e transportit të drogës.
Prokurorinë Publike të Romës ka prezantuar dje në seancën e parë gjyqësore dokumente të bazuara në foto, lidhur me trafikimin e drogës që rrjeti i shqiptarëve dhe nigerianëve.
Sipas hetuesve italianë, shqiptarët kishin arritur një marrëveshje me nigerianët, të cilët kujdeseshin për shpërnadrjen e drogës, pasi ajo mbërrinte në brigjet italiane nga Shqipëria. Dyshimet janë se droga shpërndahej në Romë, Brescia, Parma, Isernia dhe Napoli.
hetuesit italianë janë të bindur në bashkëpunimin midis grupit shqiptar të Vlorës dhe grupeve nigeriane.
Në sallën e gjyqit ishin 29 të pandehurit e parë të cilët u përballën me akuzat. Nëntë prej tyre zgjodhën të përballen me një gjyq të zakonshëm, 20 të tjerët zgjodhën marrëveshje për gjykim të shkurtuar.
Ky është grupi i parë që po gjykohet pas aksionit të policisë italiane në marsin e kaluar të koduar “Tibus”. Ky operacion çoi në pranga 55 persona, konkretisht 27 shqiptarë, 23 nigerianë, 4 italianë dhe 1 gambian.
