Të gjithë jemi njohur me jetën dhe familjen e narkotrafikantit më të famshëm, Pablo Eskobar. Juana Manuela Marroquin ishte vetëm 10 vjeç kur policia vrau babain e saj.
Për vajzën e Eskobarit dihet shumë pak. 22 vjet pas vrasjes së të atit është bërë publike vetëm një foto se si duket “princesha” e kapos.
Kur agjentët ekzekutuan liderin e kartelit të Medelinit, vajza u largua nga vendi së bashku me të ëmën dhe vëllain. Ata ndryshuan identitet. Familja e Eskobarit emigroi drejt Argjentinës.
E vetmja foto e saj, se si duket në moshën 32 vjeçare, është ajo ku ka dalë pranë vëllait dhe të ëmës, përcjell tvklan.al.
E përkëdhelura e kapos më të fuqishëm në historinë e narkotrafikut, ka preferuar të mbajë një profil të ulët, madje nuk ka dhënë asnjëherë asnjë intervistë.
