Vijon të mbetet mister vdekja e 4 turistëve rusë, që u gjetën në saunën e një hoteli në Qerret të Kavajës. Pista që po hetohet është ajo e vrasjes, ndërsa fillimisht u tha se ato mund të ishin asfiksuar për shkak të qëndrimit për një kohë të gjatë në sauna, apo për shkak të sasisë së lartë të klorit që mund të ishte hedhur në pishinën dimërore të hotelit.
Por duket se nga hetimet të dy pistat janë rrëzuar dhe aktualisht Prokuroria e Tiranës po heton atë të vrasjes.
Në hetim mësohet se është përfshirë edhe anti-terrori dhe kjo shton dyshimet se kemi të bëjmë me një eliminim të planifikuar, i cili mund të ketë nisur që më herët.
Profesori i Kriminologjisë, Ervin Karamuço, në një prej emisioneve televizive, tha se njëra prej pistave të mundshme mund të jetë edhe vrasje për shkak të “background”-it të ish-gjeneralit, ndërsa më tej shton se vendi nga ata vinin, Rusia, është kampion për laboratorët e gjeneratës së pestë të vektorëve, ku kryhen studime dhe eksperimentime që janë të ndaluara me konventë.
“Pista është vrasje për shkak të ‘background’-it që ka pasur njëri prej personave, s’mund të them që është shtetërore. Në rast se laboratorët tanë nuk do të rrinë të gjejnë spektrin e shkakut, nuk e bën as gazi, as alkooli, mund ta bëj te personat në moshë madhore, por jo njësoj te të katërt. Mund të jenë përdorur vektorë të padetektueshëm! Duhet që të dihet edhe pse ishin këta persona në Ohër. Këto vektorë kanë vdekje të ngadalshme. Ngjarja mund të ketë ndodhur diku tjetër, ose në Librazhd ose diku tjetër.
Duhet parë kampioni i ushqimit që kanë konsumuar në Ohër. Disa prej këtyre vektorëve që janë shumë të frikshëm, po të ketë qenë profil aq i lartë dhe të krahasojmë me ngjarjet e tjera të ndodhura, ku një person me profil të përafërt me këtë që u vra, mund të dalim te përdorimi i disa preparateve që me laboratorin tonë nuk mund të identifikohen. Nuk është nevoja as t’i pish as t’i konsumosh, ai bën një veprim me lëkurën dhe nuk shkakton vdekjen e menjëhershme”, deklaroi Karamuça për ‘Open’.
Moska i kërkoi Shqipërisë informacion për rrethanat e vdekjes së katër rusëve. Kreu i Komitetit Hetues të Rusisë (TFR), Alexander Bastrykin, është duke pritur informacion të detajuar mbi vdekjen e katër turistëve rusë në vendpushimin shqiptar, u raportua të hënën në faqen e internetit të agjencisë.
Mediat raportuan vdekjen e katër turistëve nga Moska në një hotel në fshatin Kerret në provincën Kavajë në perëndim të Republikës së Shqipërisë. Raportohet se kryefamiljari 60-vjeçar i familjes së tij, gruaja 58-vjeçare, vajza e tyre dhe i dashuri i saj u vranë, tha ai në mesazh.
Sipas ministrisë, trupat e të vdekurve u gjetën në zonën SPA më 15 tetor.
“Rusët erdhën në hotel nga Maqedonia e Veriut dhe kërkuan që të përgatisnin një pishinë për ta, të cilën ata donin ta vizitonin pas saunës. Mediat raportuan se klori në pishinën e hotelit mund të kishte vrarë rusët. Një punonjës mund të kishte përdorur shumë pastrim agjent, i cili çoi në vdekjen e njerëzve”- tha në një njoftim për shtyp.
“Kryetari i Komitetit Hetues udhëzoi Drejtorinë Kryesore të Hetimit dhe Drejtorinë e Marrëdhënieve Ndërkombëtare të IC RF, me ndihmën e Ministrisë së Punëve të Jashtme të RF, për të marrë informacion nga autoritetet kompetente të Republikës së Shqipërisë dhe raportuar për të gjitha rrethanat të vdekjes tragjike të qytetarëve rusë”, shtoi ICR.
