Sekretari i Përgjithshëm i PD-së, Gazment Bardhi, tha se nesër PD do të paraqesë në Kuvend propozimet e saj lidhur me 3 nismat që kanë të bëjnë me amendimet e Kushtetutës.
Bardhi tha se PD gjykon se këto amendamente janë në interesin e qytetarëve dhe Partia Socialiste, deputetët e saj, nëse janë kundër duhet të shprehen.
“Ne kemi përgatitur amendamentet kushtetuese që janë në interesin e qytetarëve lidhur me 3 çështjet: vettingun e politikanëve, zhbërjen e ndryshimeve Kushtetuese të 30 korrikut, si dhe reformën e re territoriale. Mendojmë se për të treja çështjet është një interesim i qytetarëve. Ato janë në interes të tyre”, tha Bardhi.
