Silva Bino, shefe e epidemiologjisë në ISHP, paralajmëroi se vaksinat do të shtrihen nga mosha 16 vjeç.
Bino tha në Opinion se përderisa Pfizer është autorizuar për tu përdorur në moshat 16 vjeç e lart, atëherë do të nisë edhe aplikimi në Shqipëri.
“Janë vendime që do të merren nga Komiteti Teknik, nuk mund të them se kur mund të nisë aplikimi i vaksinimit që nga vitet e para të gjimnazeve”, tha Bino.
Gjithashtu, ajo tha se nuk ka ndonjë vendim nëse ky vaksinim do të kryhet apo jo me detyrim.
“Nga vaksinat e dimë, kemi të dhëna të detajuara lidhur me imunitetin që ato afrojnë”, tha Bino.
