Drejtori i ri i Policisë së Shtetit, Gledis Nano njoftoi këtë të Hënë në një konfrencë për shtyp ndryshimet në kupolën e Policisë së Shtetit.
Nano u shpreh se ndryshimet vijnë “për t’i dhënë një impuls të ri personelit policor, pas një analize të deritanishme të punës të drejtuesve aktualë të Policisë”.
Drejtuesit e rinj në Qarqe
- Drejtues i Parë, Lorenc Panganika – Drejtor i Drejtorisë Vendore të Policisë Tiranë.
- Drejtues Hamdi Fiora – Drejtor i Drejtorisë Vendore të Policisë Shkodër.
- Kryekomisar Gentian Berberi – Drejtor i Drejtorisë Vendore të Policisë Vlorë.
- Drejtues i Parë Ardian Çipa – Drejtor i Drejtorisë Vendore të Policisë Elbasan.
- Drejtues i Parë Alfred Çepe – Drejtor i Drejtorisë Vendore të Policisë Fier.
- Drejtues i Parë Gjovalin Loka – Drejtor i Drejtorisë Vendore të Policisë Korçë.
- Drejtues i Parë Neritan Nallbati – Drejtor i Drejtorisë Vendore të Policisë Durrës.
- Drejtues i Lartë Rebani Jaupi – Drejtor i Departamentit për Sigurinë Publike në DPPSh.
- Drejtues Edmond Sulaj – Drejtor i Drejtorisë Vendore të Policisë Kukës.
- Drejtues i Parë Bledar Çeliku – Drejtor i Drejtorisë Vendore të Policisë Gjirokastër.
- Kryekomisar Oltion Bistri – Drejtor i Drejtorisë Vendore të Policisë Lezhë.
- Drejtues i Parë Skënder Hitaj – Drejtor i Drejtorisë Vendore të Policisë Dibër.
Ndryshime u njoftuan dhe në struktura të tjera të Policisë.
- Kryekomisar Alban Dautaj, Drejtor i Drejtorisë së Antiterrorit.
- Drejtues Saimir Boshnjaku, Drejtor i Drejtorisë së Kufirit dhe Migracionit Tiranë.
- Drejtues Fatmir Hoxha, Drejtor i Drejtorisë së Kufirit dhe Migracionit Korçë.
- Kryekomisar Sokol Cana, Drejtor i Drejtorisë së Kufirit dhe Migracionit Gjirokastër.
- Kryekomisar Arben Joca, Drejtor i Drejtorisë së Kufirit dhe Migracionit Shkodër.
- Kryekomisar Lorenc Shehu, Drejtor i Qendrës së Mbyllur të të Huajve në Departamentin e Kufirit dhe Migracionit.
Nano u shpreh se “duke filluar që nga dita e nesërme, si Drejtor i Përgjithshëm i Policisë së Shtetit, do të bëj prezantimin e drejtuesve të rinj të Policisë, në çdo drejtori, si dhe do t’iu përcaktoj prioritetet dhe objektivat atyre për rritjen e parametrave të rendit dhe sigurisë publike në luftën kundër krimit”.
“Lëvizjet e mësipërme i paraprijnë ndryshimeve të tjera që do të bëhen në drejtuesit e tjerë të Policisë, në nivel vendor”, paralajmëroi kryepolici.
“Ndërkohë jemi në procesin e përmirësimit të akteve normative që rregullojnë veprimtarinë e Policisë së Shtetit, aplikimit të sistemit të ri të vlerësimit të performancës, si një instrument kyç për të përmirësuar besueshmërinë dhe transparencën gjatë ecurisë në karrierë të punonjësve të Policisë së Shtetit, si dhe të studimit për riorganizimin e përgjithshëm të strukturës së Policisë së Shtetit”, përfundoi Gledis Nano.
