Instituti i Sizmologjisë, me anë të një lajmërimi për mediat ka dhënë informacione në lidhje me tërmetin e rënë sot në vend.
Ky institut bën me dije se epiqendra e lëkundjeve ka qenë në veriun e Tiranës, pranë Lezhës. Ndërsa, mësohet se deri tani nuk regjistrohen dëme nga ky tërmet.
Njoftimi i Institutit të Sizmologjisë:
Sot në datën 17/10/2021, ora 22:13 (ora lokale), Rrjeti i Monitorimit Sizmologjik i IGJEO ka regjistruar një termët të madhësisë M4.5 sipas shkallës Rihter, me thellësi të vatrës 19.9 km.
Epiqendra është lokalizuar 69 km në Veri të Tiranës, pranë Lezhës.
Intensiteti i tërmetit vlerësohet paraprakisht 5 ballë sipas shkallës MSK-64.
Nuk kemi njoftime për dëme.
Departamenti Sizmologjisë
