Kuvendi miratoi seancën e së enjtes ngritjen e Komisionit Hetimor Parlamentar për zgjedhjet e 25 prillit. Ndërkohë mësohet se pasditen e së hënës ky komision do të zhvillojë edhe mbledhjen e parë, ose atë të konstituimit.
Komisioni do të drejtohet nga deputeti demokrat Enkelejd Alibeaj, pasi kërkesa u paraqit nga demokratët, por shumica e tij është socialiste, bazuar në ligjin mbi Komisionet hetimore.
Partia Demokratike e cilësoi masakër elektorale procesin e 25 prillit, ku Edi Rama mori mandatin e 3-të si Kryeministër, ndërsa demokratët e akuzojnë për tjetërsimin e vullnetit të zgjedhësve përmes shit-blerjes së votave, presioneve, përdorimit të administratës publike dhe aseteve të saj.
Pjesë e komisionin të hetimit do të jenë 15 anëtarë që janë:
1. Enkelejd Alibeaj Kryetar PD
2. Toni Gogu Zëvendëskryetar PS
3. Klotilda Bushka anëtare PS
4. Blerina Gjylameti anëtare PS
5. Aurora Mara anëtare PS
6. Klevis Xhoxhi anëtar PS
7. Nasip Naço anëtar PS
8. Petro Koçi anëtar PS
9. Bardhyl Kollçaku anëtar PS
10.Gazmend Bardhi anëtar PD
11. Oerd Bylykbashi anëtar PD
12. Ferdinand Xhaferraj anëtar PD
13. Ervin Salianji anëtar PD
14. Kreshnik Çollaku anëtar PD
15. Petrit Vasili anëtar deputet i pavarur
1. Xhemal Qefalia anëtar zëvendësues PS
2. Etjen Xhafaj anëtar zëvendësues PS
3. Arbi Agalliu anëtar zëvendësues PD
4. Lindita Metaliaj anëtare zëvendësuese PD.
