Kryetari i Lidhjes Demokratike të Kosovës, Lumir Abdixhiku, tha sot se ushtroi të drejtën bazike për votë, në këtë ditë ku vendimmarrja i kthehet qytetarëve.
Abdixhiku i shoqëruar nga bashkëshortja e tij tha se nuk ka gjë më të bukur se kur qytetarët vendosin për të ardhmen tyre.
“Unë sot ushtrova të drejtën bazike që është vota. Nuk ka gjë më të mirë dhe më të bukur sesa kur qytetarët vendosin për të ardhmen e tyre. Uroj që kjo ditë të kalojë mirë. Dua t’i uroj mbi 40 mijë votuesit që votojnë për herë të parë”, tha Lumir Abdixhiku.
