Gjykata e Tiranës ka dhënë masën e sigurisë ndaj tre të arrestuarve për përplasjen e tre ditëve më parë në ish parkun e autobuzëve.
Gjykata e Tiranës ka lënë në burg dy të arrestuarit Daniel Manushi dhe Farjon Palushi. Ndaj tyre rëndon akuza e “vrasjes me dashje, mbetur në temtativë”.
Ndërsa për të plagosurin Aleksandër Nikolla i arrestuar për moskallëzim krimi, gjykata vendosi masën e sigurisë detyrim paraqitje”.
Mësohet se pas ngjarjes dy autorët e dyshuar u fshehën në një banesë ne kryeqytet. E pas lolalozimit policia bëri të mundur arrestmin e tyre në flagrancë ku sipas dosjes hetimore mësohet se në banesë atyre i janë gjetur edhe një armë e markës “Stey” me numër serial të fshirë.
Në dëshmitë e dhëna përpara autoriteteve dy të rinjtë kanë thëne se konflikti ka ndodhur për shkaqe banale, mu Daniel Manushi pretendon se kishte shkuar aty për tu qethur, e kanë debatur me persona që nuk i njihshin.
Ndërsa përsa i përket armes së krimit në deklarimet e tij Manushi shton se arma e krimit nuk ka qenë e tyre po shoku i tyre Farjon Palushi ja ka marre nga dora personave me te cilët u konfliktua, ndersa kur i ka shkuar policia në banesë, ai ja ka treguar vetë bluve vendodhjen e saj.
Të njejtin version nga mbajtur edhe i akuzuari tjetër Farjon Palushi, ku ka thëne se disa persona kanë goditur shokun e tin e për këtë ai ka marrë armën nga dora për vetmbrojtje një personi që nuk e njihte, e në këtë moment arma ka bëre qitje të pavullnetshme.
Sipas Palishit, ai ështe goditur në qafë e kokë nga disa persona. Ndërsa Aleksandër Nikolli i cili edhe u plagos në këtë ngjarje dhe do hetohet në gjëndje të lirë, në dëshminë e tij thote se nuk di asgjë për këtë ngjarje dhe nuk ka parë asgjë, e për këtë nuk ka se cfarë të tregojë për rrethanat e ngjarjes.
Referuar dosjes hetimore gjatë këtij konflikti është qëlluar 5 herë, pasi përpara berberhanës ku edhe ndodhi konflikti u gjetën 5 gëzhoja.
