Dafina Zeqiri dhe MC Kresha kanë publikuar këngën “Vet e lype”. Videoklipi vjen bashkë me një mesazh të fortë ku fokus ka dhunën ndaj grave dhe Dafina e revoltuar lufton për t’u dëgjuar zëri i gjinisë femërore.
Siç edhe shkruhet në përshkrimin e këngës në You Tube, “dhuna në baza gjinore është çështje politike dhe shteti ka rolin e patjetërsueshëm, jo vetëm të mbrojtjes, por edhe adresimit të kësaj çështje dhe parandalimit”.
Këngëtarët i bëjnë thirrje të gjitha viktimave të dhunës, të mos durojnë, por të raportojnë, duke bashkëngjitur edhe numrat e kontakteve të policisë.
