Katër turistë rusë janë gjetur të pajetë mbrëmjen e sotme në Qerret të Kavajës. Ngjarja ka ndodhur brenda një saune të hotelit Gloria, ndërsa tursitët kishin 1 javë që kishin ardhur në Shqipëri.
Mësohet se viktimat janë K. S, 31 vjeçe, N. L, 58 vjeç, N. A, 37 vjeçe dhe S. A, 40 vjeç.
Nga raportimet mësohet se dy djem dhe dy vajza, u gjetën nga stafi i hotelit pa shenja jete dhe më pas janë njoftuar autoritetet shëndetësore dhe policia.
Identiteti i turistëve nuk bëhet i ditur, por nga të dhënat paraprake dyshohet se ato janë asfiksuar, për shkak se kanë qëndruar në sauna përtej kohës së lejuar.
Nga raportimet mësohet se përveë grupit hetimor të nisur nga Tirana, gjithashtu është njoftuar edhe Ambasada ruse në Tiranë, lidhur me ngjarjen e rëndë.
Katër viktimat mësohet se ishin pjesë e një grupi turistësh që po vizitonin Shqipërinë dhe alarmi është dhënë nga pjesëtarë të tjerë të grupit, që po i kërkonin, pasi kishin humbur kontaktet për disa orë.
