Probleme për ish-mesfushorin e Roma-s, Fernando Gago. Argjentinasi, i cili ka luajtur me Real Madrid mes 2006-ës dhe 2010-ës, i ka thënë lamtumirë futbollit në vitin 2020-të, por vazhdon të jetë në faqet e revistave rozë.
Kjo ka ndodhur për shkak të ndarjes me ish-tenisten Gisela Dulko, që ka ardhur pasi Gago është kapur në krevat me një nga miket më të mira të bashkëshortes.
Ka qenë Cinthia Fernandez që ka zbuluar gjithçka.
“Ajo (Dulko) është e shkatërruar, po kalon një moment të keq. Ka hapur derën dhe i ka gjetur në krevatin e saj. Akoma më keq, ishim shumë miq familjarisht”, ka thënë Fernandez.
“Edhe pse janë njohur dy vite më parë, kanë shkuar kudo bashkë: Gisela, Gago, kjo grua Veronica dhe Martin, burri i saj, që nuk kishte dalë në skenë deri tani. Ai është një avokat, edhe ai i shkatërruar”.
