Analisti Shpëtim Nazarko, i njohur për qëndrimet pro të majtës, u shpreh në Oranews, se nëse vërtetohet që në të njëjtën kohë është shitur dhe blerë energji, atëherë përgjegjësit duhet të shkojnë në burg.
Sipas tij, kjo është përgjegjësi e ministrit përkatës që duhet t’i lajë duart sepse është akt kriminal.
“Nëse vërtetohet që në të njëjtën kohë shitet dhe blihet atëherë është për burg. Kjo është përgjegjësi e ministrit përkatës që duhet t’i lajë duart sepse është akt kriminal. Ti nuk mund të shesësh në një moment të tillë.
Duhet thënë që në tërësinë e faktorëve, është mungesa e një strategjie kombëtare. Ne kemi bërë një reformë, por kemi harruar se po operonim në një sektor me metastaza”, tha Nazarko.
