Disa qindra qytetarë protestuan sot kundër rritjes së çmimeve, në protestën e dytë të thirrur në Tiranë, ngashoqëria civile.
Me pankarta në duar, por edhe me sende simbolike si tepsi, lugë apo garuzhde qytetarët i kanë bërë thirrje qeverisë që të reflektojë për uljen e çmimeve.
“Ulni taksat, ulni çmimet”, ishin thirrjet që protestuesit i drejtonin Edi Ramës. Protestës iu bashkuan figura të njohura të humorit, që i drejtuan një thirrje kolegëve të tzre të dilnin të protestonin, pasi nuk do të humbnin ndjekësit në rrjetet sociale.
Organizatori i kësaj proteste, Adriatik Lapaj tha se qëndresa do të vazhdojë derisa të merren masa nga ana e kryeministrit Rama.
Ai tha qytetarët do të zbresin sërish në shesh deri sa të fitojnë betejën për mosrritjen e çmimeve.
