Qindra fluturime ajrore janë anuluar në Stamboll, si pasojë e reshjeve intensive të dëborës që kanë goditur vendin. Kompania ajrore Turkish Airlines (THY) ka anuluar 640 fluturime brenda dhe jashtë Turqisë, të cilat duhej të realizoheshin përmes aeroportit “Ataturk”, raporton agjencia turke e lajmeve Anadolu Agency (AA).
Raportohet se si pasojë r vonesës së fluturimeve, THY në dy ditët e fundit ka ofruar furnizime për 29.000 udhëtarë të cilët kanë mbetur në aeroport.
13.000 udhëtarë të tjerë janë sistemuar nëpër hotele. Pamundësia që të realizohen fluturimet e së shtunës ka detyruar udhëtarët që natën ta kalojnë brenda aeroportit.
Mediat turke raportojnë se stafi i aeroportit vazhdimisht është duke punuar në pastrimin e pistës në aeroportin “Ataturk”. Për rrjedhojë janë anuluar të gjitha fluturimet nga aeroportet ndërkombëtare të Shkupit, Tiranës dhe Prishtinës për në Stamboll dhe anasjelltas.
