Në “Allianz Stadium” u luajt gjysmëfinalja e dytë e Nations League e cila nuk zhgënjeu aspak madje ishte një spektakël më vete.
Franca dhe Belgjika barazuan zhviluan një nga ndeshjet më të bukura teksa “gjelat” fituan me përmbysje 3-2 në këtë duel dramatik.
Pjesa e parë ishte shokuese për Francën teksa Belgjika surprizoi dhe dominoi me lojë dhe me gola. Ishte Carrasco i cili në një aksion personal në 37’ kaloi “Diablo Rouge” në avantazh teksa ende pa e marrë veten Franca, Romelu Lukaku dyfishoi me një supergol duke thyer Lloris.
Me një pjesë të parë nën shock, skuadra e Deschamps futet në pjesën e dytë me një mentalitet tjetër dhe nis të dominojë.
Në një aksion personal të Mbappe në 62’, Benzema shkurton diferencën dhe vetëm 7 minuta më pas Griezmann fiton penallti teksa Mbappe e ekzekuton saktësisht.
Janë 69’ minuta lojë dhe tifozët shijojnë një spektakël të vërtetë dhe nuk ka mbaruar ende pasi në 88’, Lukaku shokon “gjelat” me një gol por që për fatin e mire të Deschamps, goli anulohet për pozicion të parregullt.
Minutat po mbarojnë dhe emocionet jo sepse në 90’, Pogba godet shtyllën me një goditje dënimi por surprizat nuk ndalen pasi një minutë më pas, është Theo Herhandez që me të majtën e tij bën të shpërthejë Franca me një gol që mbyll sfidën 3-2.
Do të jetë Franca që do të përballet me Spanjën në finale e madhe të Nations League teksa Belgjika do të luajë finalen e vogël ndaj Italisë për vendin e tretë.
