Zbardhen detaje të reja nga çifti i bashkëshortëve të arrestuar sot nga Policia e Sarandës, pasi u kapën me një sasi lënde narkotike. Në pranga kanë rënë shtetasit Lutfi dhe Shano Faslliu, 38 dhe 31 vjeç, banues në Konispol.
38-vjeçari me dy mbiemra Lutfi Faslliu&Lutfi Demce, kontrollonte trafikun e drogës në këtë zonë. Ai ishte i verbër, si dhe me precedentë të mëparshëm penalë.
Në vitin 2010, ai ishte kapur duke trafikuar nga Greqia drejt Shqipërisë një makinë tip “Mercedes Benz ML”, me targa IOP 3987, që rezultoi e vjedhur në Greqi. Për këtë ngjarje, ai ishte dënuar në atë kohë.
Çifti kishin një muaj e gjysmë që survejoheshin nga policia. Ata futeshin në tokën greke dhe merrnin emigrantët. Mësohet se për një emigrant ata merrnin 300 euro, me qëllim tranzitimin e tyre në territorin shqiptar, me destinacion vendet e BE-së. /BW
Momenti i arrestimit të çiftit:
